Nagtipon-tipon ang mga magsisipagtapos sa gradwado at ‘di-gradwado, pamunuan ng kampus, faculty, staff at mga panauhing pandangal para sa Baccalaureate Mass at Program na may temang “𝘙𝘦𝘴𝘱𝘰𝘯𝘥𝘪𝘯𝘨 𝘵𝘩𝘦 𝘊𝘶𝘳𝘳𝘦𝘯𝘵 𝘌𝘥𝘶𝘤𝘢𝘵𝘪𝘰𝘯 𝘊𝘩𝘢𝘭𝘭𝘦𝘯𝘨𝘦𝘴 𝘵𝘩𝘳𝘰𝘶𝘨𝘩 𝘙𝘦𝘭𝘦𝘷𝘢𝘯𝘵 𝘢𝘯𝘥 𝘍𝘶𝘵𝘶𝘳𝘦-𝘙𝘦𝘢𝘥𝘺 𝘛𝘦𝘢𝘤𝘩𝘦𝘳 𝘌𝘥𝘶𝘤𝘢𝘵𝘪𝘰𝘯” na ginanap sa 4th Floor Multipurpose Hall ng Innovation Hub Building, Miyerkules, ika-7 ng Agosto.

Bilang pasasalamat sa biyayang natamo ng mga magsisipagtapos, taimtim na isinagawa ang banal na misa ng pasasalamat na pinangunahan ni 𝗥𝗲𝘃. 𝗙𝗿. 𝗩𝗶𝗰𝘁𝗼𝗿 𝗕𝘂𝗲𝗻𝗰𝗮𝗺𝗶𝗻𝗼 𝗥. 𝗠𝗲𝗻𝗱𝗼𝘇𝗮.

Ayon kay Fr. Mendoza sa kaniyang homiliya, huwag nawang kalimutan ng mga magsisipagtapos ang mga taong tumulong sa kanila upang maabot ang tagumpay na ito.

Samantala, nagbigay naman ng mensahe ng inspirasyon si 𝗥𝗲𝘃. 𝗙𝗿. 𝗜𝗮𝗻 𝗞𝗲𝗻𝗻𝗲𝘁𝗵 𝗧. 𝗠𝗮𝗺𝗮𝘂𝗮𝗴, Rector mula sa Our Lady of the Visitation Seminary ng Cauayan City, na siyang panauhing tagapagsalita ng Baccalaureate.

Binigyang diin ni Fr. Mamauag ang kahalagahan ng pagtawid bilang isang tugon na magpapabago sa kasalukuyang kalagayan ng bawat magsisipagtapos.

Aniya, sa ilang taon na pamamalagi ng mga magsisipagtapos sa pamantasan, inihanda sila ng kanilang mga guro sa kung ano ang kanilang babaunin sa kanilang pagtawid. Huwag ding matatakot o manginig sa kanilang aabutan dahil inihanda sila ng pamantasan sa kanilang pagtawid.

Ibinahagi niya rin ang ang ilang butil-kaalaman na magagamit upang magkaroon ng ambag sa pagsisilbi sa bayan: ang katotohanan, kahusayan, at pagsisilbi.

“Hindi isinisilang ang taong mahuhusay; ito ay bunga ng pagpupunyagi at hindi pagsuko hanggang maatim ang hangarin,” ani Fr. Mamauag.

Isang makahulugang pagkakataon ang Baccalaureate upang maitanim sa isipan ng mga magsisipagtapos ang kahalagahan ng pagiging handa sa haharaping paghihirap upang makamtan ang husay na hinahangad.